اللي تبا تصطاد العريس للبنات فقط هههههههه

بسم الله الرحمن الرحيم


السلام عليكم و رحمة الله و بركاتهـ


نصائح من مجرب كح كح كح كح


كيف تصطادين المعرس دون اللجوء إلى الاساليب السقيمة من المغازل والترقيم اللي ماله سنع والهوامهـ في الأسواق ......الخ


اليك ...فتاتي العزيزة...الخلطة السرية والسحرية :


اول شي خذي لج كوب شاي ثجيل او قهوه تركيه وركزي ويايهـ:


اولاً: ركزي على العيوز اللي حاطه عينج على ولدها ثم نفذي مايلي:


1-تمي ويا أمج ...ولا تظهرين...ولا تين ويا ربيعاتج البنات ...وتستهبلين ..اصبري عنهن كم شهر...لين تتم العملية بنجاح


2-إمشي وانتي حاطه راسج بين كتوفج....و لا ترفعينه ابداً...حتى لو عورج ...خلي الفيكــس دائماً في متناول يدج، إن كيس أوف عورج يعني لووول


3-كلمة " خالوهـ "....خليها دايماً على لسانج...خاصة لـ أم المعرس..علشان تحس بنوع من التميزعن باقي العيايز.


ملاحظة : ما شي مانع تزقرين عيوز ثانية بـ "خالوهـ".. علشان..إذا ما نجحت الخطة مع العيوز :نمبر ون#..و الاحتياط واجب .


4- اذا بدت امج تتكلم ..انغزيها بكوعج علشان اتدخلج في السالفه ...تطبيقاً للمثل:كثر الدق يفج اللحام...ادري المثل ماله داعي بس ما لقيت غيرهـ


5- اخوانج الصغار لاحقيهم ...و سيري وياهم وين ما يسيرون حتى لو مب من عاداتج ....بس تصرفي وياهم جنج أمهم...علشان العيوز ...تاخذ فكره انج حريصة على اخوانج و هلج


6-كل ما كلت امج اكله زينه...خليها تقول:..نفس الاكله اللي تسويها بنتي ...حتى لو الاكل ..من مطعم صيني..او مكسيكي


7-اذا ييتي تمدين ايديج...تويعي..وخلي امج تقول:...ماله داعي تنظفين البيت وملاحقه الخارجيه(اقول: نظفي حجرتج اول اللي جنه ناقعهـ فيها قنبله نوويه)


8-اذا تكلمن الحريم عن العرس.....اكتمي نفسج....لين تحمر غزوزج مادري خدودج لو كنتي ضعيفهـ لوول...علشان يقولن العيايز : البنت تستحي ومالنا ويه نرمس جدامها...( بس لا تكتمين نفسج وايد اخاف تروحين فيها و تموتين و اكون انا جنيت عليج)


9-مهما كان موضوع الحوار حماسي لا تبدين رايج خليج مثل :..البكما..لأن اللقافه ..تخرب أم الخطه اللي سويناها


10-شعرج سشوريه و انشليه ...لا تخلينه طاير....ولا تجعدينه....مهما كانت الموضه...لان العيايز ما يدورن الا اللي شعورهم ناعمهـ


11-إذا ادلت العيوز..ام المعرس المتوهق.. بـ أي راي سواء سياسي والا اجتماعي او اقتصادي ....وافقي عليه...حتى لو كان ماصخ وماله داعي


مثال:


لو قالت العيوز: جورج بوش متقهوي عندنا البارحه.........قولي لها : خالوهـ تبينا ني نساعدكم؟


12-في العرس...إضغطي على نفسج..و تمي رزينهـ...ولا ترقصين........واعتبري الرقص عيب وشق جيب


13-اذا يا طاري السوق...وهو لازم ايي طاريه...لانه ملح اليلسه عند الحريم...خلي امج تقول : ...بناتي ما يسيرن الأسواق، كلهـ أبوهم اييلهن أغراضهن


الحين تكون العيوز طاحت في الفخ


ثانيا: الحين صوب المعرس الفقير


1- قري في بيت هلج و لا تظهرين و إذا يا المعرس...يبى يجوفج خلي ابوج يقول: ودي تشوف البنت بدون ما تدري علشان تاخذ راحتك وانا عمك ..وبعد تشوفها على الطبيعه


ما تقول: غشيتوني( هيه هين و هناك الشيبه يبى يطيح الولد في الفخ)


2- قبل لا ايي اليوم اللي يبى المعرس فيه يشوفج..بحوالي اسبوع او اكثر ( حسب خسافة الويه) اتنقلي من صالون لصالون ..صبغ ..تمليس..تنظيف بشرة..الخ


3- اذا يا المعرس خلي اخوج يوقف حذاله علشان ما يبحلق فيج ...ويبان المستخبي على قولة إخواننا المصريين ...وذلك تطبيقاً لـ لمقوله المشهورة(...اللمحة...ذبحة...)


4- في نهاية المشهد..خلي ابوج يقول:..ما عليه وانا عمك....ترى البنت شويه مستحيهـ..( ماعليه يالشيبه تنصب على المسكين


وبها اللحظه الولد الافدغ..بينقز على راس عمه و بيحبه ...لين يشفط مخه ..ويقول ..متى العرس يا عم؟


( تحذيــــــــــــــــــــــــــــــــــــــــــــر مهـــــــــــــــــــــــــــــــــم)


ابتعدي عن الأمهات المتعلمات ....راعيات الشنطه نفس لون الجوتي و اللي كلهـ يطقمن


هاذيلا يبالهن خطط بعيدة المدى



منقول




عيبني الموضووووع فسرقتة سرقن مبرحا خخخخخخخخ

انا ما جربت اللي كاتبه الموضوع مجربة هههههههه
تراني سارقة الموضوع

طماااااااااااشة هههههههههههههههههههههههههه حلوة بغيت افطس من الضحك

لا دخيلج لا تفطسين من الضحك عن تموتين علينا